गठबन्धनलाई उछिन्दै एमालले ४ स्थानमा विजयी, कांग्रेस र एसको कति ?

काठमाडौं ३१ वैशाख :

शुक्रबार भएको स्थानीय निर्वाचनको मत गणनाको काम तिब्ररुपमा भइरहेको छ । देशभरका मत गणनाअन्तर्गत हालसम्म ८ स्थानीय तहको प्रमुखको टुंगो लागिसकेको छ । जसमा नेकपा एमाले अग्रस्थानमा देखिएको छ ।

निर्विरोध र निर्वाचित गरी नेकपा एमालेले ४ स्थानीय तहको प्रमुख जितेको छ भने नेपाली कांग्रेसले २ स्थानीय तहमा प्रमुख जितेको छ । त्यस्तै नेकपा एसले डोल्पाका २ गाउँपालिकामा निर्विरोध प्रमुख जितेको छ ।

नेकपा एमालेले प्रमुख जितेका स्थानीय तहमा से फोक्सुण्डो गाउँपालिका – डोल्पा , चामे गाउँपालिका – मनाङ,ङिस्याङ गाउँपालिका– मनाङ,घेकर दामोदरकुण्ड गाउँपालिका,मुस्ताङ रहेको छ । त्यस्तै नेपाली कांग्रेसले प्रमुख जितेका स्थानीय तहमा नार्पाभूमी – मनाङमा जितेको छ भने अर्को घरपोझोङ – मुस्ताङ नै रहेको छ ।

गठबन्धनमा नै रहेको अर्को नेकपा एकीकृत समाजवादीले काइके गाउँपालिका – डोल्पा र छार्का साङतोङ गाउँपालिका – डोल्पामा प्रमुख जितेको हो । अन्यको परिणाम आउन बाँकी रहेको छ ।