Search
Thursday 16 August 2018
  • :
  • :
Latest Update

रोयल च्यालेन्जर्स बेंग्लोर आईपीएल क्रिकेटको प्लेअफमा पुग्ने सम्भावना कायमै

रोयल च्यालेन्जर्स बेंग्लोर आईपीएल क्रिकेटको प्लेअफमा पुग्ने सम्भावना कायमै

रोयल च्यालेन्जर्स बेंग्लोरले आईपीएल क्रिकेटको प्लेअफमा पुग्ने सम्भावना कायमै राखेको छ । विहीबार रातिको खेलमा शीर्ष स्थानको सनराईजर्स हैदराबादलाई १४ रनले हराउँदै बेंग्लोरले प्लेअफको सम्भावना जिवितै राखेको हो । जितसँगै बेंग्लोर १३ खेलबाट १२ अंकसहित तालिकाको पाँचौ स्थानमा उक्लिएको छ । हारे पनि हैदराबाद अंकतालिकाको शीर्ष स्थानमा कायमै छ ।

२ सय १९ रनको लक्ष्य पछ्याएको हैदराबादले २० ओभरमा ३ विकेट गुमाएर २ सय ४ रन मात्र बनाउन सक्यो । हैदराबादका कप्तान केन विलियम्सनले ८१ र मनिष पाण्डेले नटआउट ६२ रन बनाए पनि टिमलाई जिताउन भने सकेनन् । विलियम्सनले ४२ बलमा ७ चौका र ५ छक्का प्रहार गरे भने मनिषले ३८ बलमा ७ चौका र २ छक्का प्रहार गरे । यस्तै, एलेसक्स हल्सले ३७ रन बनाए ।

पहिले ब्याटिङ गरेको बेग्लोरले एभीडी भिलियर्सको ६९ र मोइन अलीको ६५ रनको मद्दतमा ६ विकट गुमाएर २ सय १८ रन बनाएको थियो । यस्तै, कोलिन डे ग्राण्डोमले १७ बलमा ४० रन बनाए । डी भिलियर्सले ३९ बलमा १२ चौका र १ छक्का प्रहार गरेका थिए भने मोइनले ३४ बलमा २ चौका र ६ छक्का हानेका थिए । प्रतियोगितामा आज चेन्नई सुपरकिंग्स र दिल्ली डेयरडेभिल्स खेल्नेछन् । आजको खेलमा दिल्लीबाट नेपालका सन्दीप लामिछानेले पनि खेल्नेछन् ।


Loading...


Leave a Reply

Your email address will not be published. Required fields are marked *