Search
Thursday 17 January 2019
  • :
  • :

भारतीय अवरोधका कारण एक सातादेखि तयारी चियाको निर्यात अवरुद्ध

भारतीय अवरोधका कारण एक सातादेखि तयारी चियाको निर्यात अवरुद्ध

भारतीय अवरोधका कारण नेपालको पूर्वी नाका काँकडभिट्टाबाट एक सातादेखि तयारी चियाको निर्यात अवरुद्ध भएको छ । चियाको गुणस्तर परीक्षणलाई झन्झटिलो बनाएर भारतले अवरोध गरेपछि चिया निर्यातमा अवरोध सृजना भएको हो ।

हाल भन्सार जाँचपास भएका ११ ओटा ट्रक एक सातादेखि भारतीय भन्सार पानीट्याङ्कीमा रोकिएको चिया विस्तार योजना, फिक्कलका प्रमुख इन्द्रप्रसाद अधिकारीले जानकारी दिए । नेपालबाट तयारी चिया कोलकातास्थित ‘सेण्ट्रल फुड ल्याब्रोटरी’ मा नमूना परीक्षण गराएपछि मात्र निर्यातको इजाजत दिने गरिएको छ । झन्झटिलो प्रक्रियाले नेपाली चिया निर्यातमा समस्या सृजना भएको उनले बताए ।

पानीट्याङ्की भन्सारमा रोकिएको ट्रकमा १७ हजार किलोभन्दा बढी तयारी चिया रहेको व्यवसायी रोशन अग्रवालले जानकारी दिए । चिया बोकेको ट्रक वर्षाका बेला खुला ठाउँमा राख्दा चियाको गुणस्तर बिग्रने व्यवसायीले बताएका छन् । अहिले ट्रकपिच्छेको चियानको नमूना कोलकाता पठाएर गुणस्तर परीक्षण गर्नुपर्ने झन्झटिलो व्यवस्था भारतले लागू गरेपछि चिया निर्यात रोकिएको हो । एकपटक चियाको नमूना परीक्षण गराउँदा भारू २५ हजार खर्च लाग्ने गरेको बताइन्छ । भारत निर्यात हुने चिया मात्रै होइन, तेस्रो देश निकासीका लागि भारतीय भन्सार पुगेका चियाका ट्रक पनि रोकिएका छन् ।


Loading...


Leave a Reply

Your email address will not be published. Required fields are marked *